Бизнесийн бүх процессыг BPMN 2.0 стандартын дагуу зураглуулж авснаар ажлын урсгал хэрхэн явагддаг нь нэг дор тодорхой болсон — дижитал шилжилтийн стратегиа том зургаар харах боломж нээгдсэн нь хамгийн том ахиц байлаа.
Процессын шинжилгээн дээр суурилан бизнесийн зорилго, стратегитай нягт уялдуулж, ямар нөөцөөр ажиллах, ямар технологи, системийг нэвтрүүлэх нь үр дүнтэй талаар тодорхой, бодитой зөвлөмж авсандаа маш их сэтгэл хангалуун байлаа.

Bitrix24 CRM болон BI системийг холбож, өгөгдлийн урсгалыг автоматжуулснаар шийдвэр гаргалтыг дэмжих үнэхээр үр ашигтай шийдэл бий болсон. Зөвхөн техникийн шийдэл гаргаад орхилгүй, бизнесийн асуудалд чиглэсэн арга хандлагаараа онцлог байлаа.

Асуудлын үндсэн шалтгааныг шийдэж чадахгүй бол асуудлыг бүрэн шийдэж чадахгүй гэж үздэг. Манай компанийн хувьд байгуулагдсанаасаа хойш 7 дахь жил дээрээ дижитал шилжилтээ зөв хийхийн тулд үйл ажиллагааны процессээ үнэлж дүгнэх, нөгөө талаар цаашдын системийн шийдлүүдийн хэрэгцээгээ процесс дээр тулгуурлаж тодорхойлоход нэг жил орчимд зөвлөх үйлчилгээгээр хамтран ажилласан нь үнэхээр үр дүнтэй байлаа.

Бид үр дүнд нь асуудлуудаа зөв тодорхойлж чадсан, шийдлээ системчилж чадсан, мөн одоогоор жигдрүүлэх, сайжруулах үе шат дээрээ явж байна. Бид одоо болон цаашид ч байнгын хамтын ажиллагаатай ажиллаж, бизнестээ утгаар нь дижитал шилжилт хийсэн байгууллага болохыг зорьж байна

Өдөр тутмын үйл ажиллагааны голд байхдаа заримдаа яг хаанаас эхэлж, юуг хэрхэн сайжруулах ёстойгоо гаднаас харах амаргүй байдаг. 

Танай баг бидний үйл ажиллагааг эхнээс нь дуусах хүртэл цэгцтэй, ойлгомжтой байдлаар тодорхойлж өгснөөр асуудлын гол шалтгаан хаана байгааг илүү тодорхой ойлгож, зөвхөн тухайн үеийн хүндрэлүүдийг шийдэхээс гадна цаашдын өсөлт хөгжилд хэрэг болох олон чухал шийдвэр гаргахад бодитой нөлөө үзүүлсэн. 
Багийн хувьд төлөвлөлт сайтай, ажлын зохион байгуулалт өндөртэй, аливаа ажилд үнэхээр сэтгэл гарган ханддаг нь хамтын ажиллагааны явцад тод мэдрэгдсэн.
Найдвартай, хариуцлагатай, мэргэжлийн хамт олонтой хамтран ажилласандаа баяртай байна.